Maкедонските ракометари денекса против Швајцарија го завршуваат настапот на ЕП 2024

Македонската ракометна репрезентација вечерва ќе го има својот последен настап на Европското првенство во Германија. Противник на избраниците на селекторот Кирил Лазаров, ќе биде репрезентацијата на Швајцарија.

-Швајцарија одигра реми со олимпискиот шампион, Франција. Покажаа дека имаат голем квалитет и имаат големи амбиции. Ќе имаме тежок дуел со екстра-квалитетен противник, индивидуалци како Шмит, Зендер и Портнер, тука е и Робин, добар голгетер. Ако некаде имаме шанси, тоа е дуелот со Швајцарија. Ќе им ја препуштиме ним фаворитската улога, а ние ако се поправиме во некои сегменти, мислам дека можеме да дојдеме до успех. Мора да ги сведеме грешките на минимум или воопшто да ги нема. Некогаш и противникот ве наведува да грешите, ќе мораме со добра одбрана „шест на шест” да дојдеме до позитивен резултат.изјави Лазаров.

Натпреварот ќе се игра во Берлин, а почетокот е закажан за 18:00 часот.

Strugaonline

фото: РФМ