Синоќа во хотелот „Инекс Горица“ свечено беше отворено десеттото, јубилејно издание на Охридскиот хорски фестивал.Во склоп на фестивалот, кој годинава ќе трае до 28-ми август ќе учествуваат 26 хорови од десет европски земји .
Традиционално, хорскиот фестивал и овој пат ќе има ревијален и натпреварувачки дел, поделен во неколку категории.
Концертите ќе се одржуваат во Дијамантската сала на хотелот „Инекс Горица“ и католичката црква Св. Кирил и Методиј, а влезот е слободен.
Во натпреварувачкиот дел, хоровите ќе ги оценува стручна жири комисија, составена од :Алицја Шелуга од Полска, Аљоша Новаковиќ од БиХ, Запро Запров од Македонија, Јасенка Остојиќ од Хрватска и Илија Рајковиќ од Србија.
извор:Strugaonline/Ohrid Choir Festival
фото: Ohrid Choir Festival
Facebook Коментари