На 23-ти јуни во Вевчани се одржа промоција на првата книга со песни на штотуку завршениот деветтооделенец Илија Пешиноски.
Неговата збирка со наслов „Вевчанска рапсодија“, која е поделена во три циклуси и тоа:„Отварам рајски порти“,„Татковино ,убавино“ и,„Доаѓам со моите дарови“,содржи 42 песни во кои младиот автор пишува за убавината на родното Вевчани и за татковината Македонија, се воодушевува од историското минато на својот македонски народ и од се она што го опкружува.
Промотори на свеченоста беа писателите Петко Шипинкаровски и Мишо Китаноски, кои потенцираа дека лирскиот глас на младиот автор посветен на родното и убаво Вевчани всушност е гласот на славеите кои во вевчанските градини и убавини ја разлеваат својата песна. Инаку, Илија Пешиноски во слободно време слика, изработува мозаици, се занимава со резбарство и наскоро планира изложба на која ќе ја претстави својата уметничка творечка дејност.
Промоцијата на оваа збирка ја збогатија Филип и Александар со своите гитари и на тој начин истата доби и музичка нота.
„Среќен сум што кинигава излезе кога го завршив деветтото одделение, а истото со љубов им ја посветувам на моите родители мајка ми Лилјана и татко ми Зоран,кои ми овозможуваат да творам и да бидам одличен ученик .“ – изјави младиот автор Илија Пешиноски.
Текст и фото: Стојан Кукунешоски
Strugaonline
Facebook Коментари