„Дневникот на длабоките тајни“ е насловот на првото прозно дело на Верица Мукоска, а светлината на денот ја доживеа на вчерашната промоција која се одржа во Црквата „Св. Никола.“
Мукоска е млада авторка, од мали нозе вљубеник во поезијата, но со романот „Дневникот на длабоките тајни“ го покажува својот талент и во прозата.
Читателите ќе имаат можност да прочитаат еден возбудлив роман полн со емоции, конфликти, заплети и опис на меѓучовечките односи во различни животни околности, но и перипетии кои можат да настанат во едно семејство пропратени со силни психолошки моменти.
Верица Мукоска е родена на 10 март 1999 година во Вевчани. Автор е на стихозбирката „Стихови од срцето на природата“, учесник е на повеќе литературни средби и добитник е на благодарници и дипломи за читање и пишување.
Извор: Strugaonline
Facebook Коментари