Се наближуваат Новогодишните празници, период кога во охридските и струшките хотели, ресторани, кафулиња, маркети…се очекуваат голем број туристи и гости. Току затоа, со цел да се намали ризикот, да превенира и да се избегне појавата на инфекции и труења предизвикани од биолошки, хемиски или физички причинител, кои можат да предизвикаат штетни последици врз здравјето на луѓето, Центарот за јавно здравје-Охрид ги потсетува угостителите и стопанствениците на нивната законска обврска за навремено вршење на:
– здравствено-хигиенски прегледи на вработени кои оперираат со храна, пијалоци и сл. (на секои 6 месеци), собарки (на секои 12 месеци)
– дезинфекција, дезинсекција, дератизација на просториите во објектите (на секои 6 месеци).
„Во интерес на заштита на здравјето на населението, Ве очекуваме во амбулантите на Центар за јавно здравје Охрид и ПЕ во Струга, секој работен ден од 7:30 – 14:00 ч.“ -велат од Центарот за јавно здравје – Охрид
Strugaonline
Facebook Коментари