Релативно евтини и сеприсутни, овие продукти често знаеме да ги избегнуваме во секојдневната исхрана и покрај тоа што можат да ни го спасат животот.
Ова овошје, зеленчук и риба е преполно со витамини, минерали и хранливи материи кои го штитат нашиот организам од смртоносни болести.
Лимон
Само еден лимон содржи дневна доза витамин Ц, кој помага да се зголеми нивото на „добриот“ ХДЛ холестерол во телото и ги зајакнува коските. Исто така, лимонот има и анти – воспалителни својства.
Брокула
Едно стебленце брокула од средна големина содржи доволна количина витамин К за да може да ги задоволи сите наши дневни потреби и содржи речиси двојна доза на витамин Ц која ни е потребна. Станува збор за две клучни хранливи материи кои помагаат во градењето на коските.
Оваа количина на брокула исто така помага во борбата против многу типови на рак.
Црна чоколада
Само неколку грама црна чоколада дневно може да го намали крвниот притисок кај инаку здравите луѓе. Какао правот е богат со флаваноиди, антиоксиданси и докажано е дека може да го намали нивото на „лошиот“ ЛДЛ холестерол и да го зголеми нивото на „добриот“ ХДЛ холестерол.
Компир
Еден црвен компир содржи 66 микрограми фолати, кои се од суштинско значење за создавање на клетките – колку што содржи и една чаша спанаќ или брокула.
Еден сладок компир има речиси осум пати повеќе витамин А од нашите дневни потреби кој се бори против ракот и го зголемува имунитетот.
Лосос
Лососот е одличен извор на Омега 3 масни киселини, кои се поврзани со намален ризик од добивање депресија, болести на срцето и рак. Една порција од 100 грама лосос содржи речиси половина од потребната доза на ниацин, кој штити од Алцхајмер и губење на помнењето.
Ореви
Оревите содржат најголема количина на Омега 3 масните киселини од сите јаткасти плодови. Омега 3 масните киселини можат да помогнат во намалување на нивото на холестерол, го подобруваат расположението и се борат против рак, а одредени истражувања покажале дека дури и штитат од штетата која може да настане од прекумерно изложување на сонце.
Авокадо
Богато е со здрави, заситени масти кои можат да го намалат нивото на холестерол во организмот за 22 отсто. Само едно авокадо содржи половина од дневната доза на влакна и 40 отсто фолати кои дневно му се потребни на нашиот организам и кои го намалуваат ризикот од добивање болести на срцето.
Лук
Лукот е моќен борец против сериозни болести кои можат да го поттикнат развојот на бактерии, вклучувајќи ја и ешерихија
Спанаќ
Спанаќот содржи лутеин и зеаксатин, два антиоксиданси кои го подобруваат имунолошкиот систем и се многу важни за здравјето на очите.
Истражувањата покажале дека спанаќот е најефективниот борец против рак од сите видови на овошје и зеленчук.
Мешунки
Една порција мешунки (грав, грашок и леќа) четири пати неделно може да го намали ризикот од добивање болести на срцето за 22 отсто. Оваа иста навика може да ги намали и шансите за добивање рак на дојката.
Facebook Коментари