Околу 3500 гледачи во извонредна спортска атмосфера вчера-вечер го проследија „езерското дерби“ помеѓу ракометните клубови на Струга и Охрид.
Во дербито кое се врати на сцена после долго време, славеше РК Охрид со резултат 26:23. Ова беше еден од ретките натпревари каде ракометарите беа исто толку важни колку и навивачите на двете екипи кои создадоа невидена позитивна еуфорија без тензии. Тоа го почувствуваа и ракометарите на двете екипи кои на крајот на натпреварот отпоздравија на навивачките групи. РК Охрид им отпоздрави на „Паткари“, а и РК „Струга“ отпоздрави на противиничката навивачка група „Рибари“.
Езерското дерби на сцена се врати достојно и возбудливо, a најважно е што сите испратија пораки полни хуманост и се сплотија за да и помогнеме на Сара од Охрид.
Strugaonline
фото: Ohridnews
Facebook Коментари