Центарот за јавно здравје од Охрид информира дека поради обилните врнежи од дожд кои денеска го зафатија подрачјето на Охрид и Струга дошло до нарушување на квалитетот на водата за пиење од градската водоводна мрежа во Струга, по однос на параметарот матност. Од извршените мерења на водата за пиење од градскиот водовод во Струга, од страна на екипите на Центар за јавно здравје Охрид, претпладнево, на 1.12.2017 констатирана е зголемена матност во водата за пиење со вредности значително поголеми од законски пропишаните. Поради тоа, и согласно правилникот за безбедност на вода, водата од градската водоводна мрежа Струга и селата кои се приклучени на истата, не е здравствено безбедна и истата не треба да се користи за пиење. Од Центарот за јавно здравје – Охрид велат дека согласно процедурите известени се надлежните институции и соодветните инспекциски служби за натамошно постапување. Од таму потенцираат дека постојано ја следат состојбата и навремено ќе ја информираат јавноста за состојбата на квалитетот на водата во градскиот водовод во Струга.
Strugaonline
Facebook Коментари