Од Центарот за култура „Григор Прличев“ – Охрид информираат дека билетите за третата епизода од третата сезона на „Импровокација“ која ќе се игра утре во 20:00 часот на познатата „ќерал” сцена на Народен Театар Охрид се распродадени. Освен познатата актерска екипа составена од Стрезо Стаматовски, Никола Тодороски и Филип Кипровски, потпомогнати од домаќинот на шоуто Филип Ангеличин – Жура, ексклузивно за ова издание екипата на Импровокација има нов член, кој ќе биде изненадување за шубликата.
Новата „ИМПРОВОКАЦИЈА“ носи нови игри и многу забава.Ваквата форма на театар за прв пат се воведува во нашата земја па дури и во регионот. Целта на „ИМПРОВОКАЦИЈА“ е преку еден неформален и забавен начин да ја демистифицира магијата на создавање театарски игри (сцени) за да го доближи театарот што повеќе до пошироката публика. Театарската импровизација „ИМПРОВОКАЦИЈА“ е спонтана, забавна и смешна, но како сите други работи треба да се види и доживее за да се ужива во неа.
Strugaonline
Facebook Коментари