„За времено решавање на проблемот со депонијата во Струга, Владата на Република Македонија, донесе одлука да издвои 12.000.000 денари од резервите на Буџетот за да бидат наменети за компресирање и транспорт на сметот од депонијата во Струга на друга локација“, извести владината прес служба.
Проблемот со струшката дива депонија според еколозите трае веќе петнаесеттина години, а истиот ескалираше за време на Велигденските празници годинава. Од тогаш до денес, дивата депонија гори понекогаш со помал, а понекогаш со поголем интензитет.
Стружани, во изминатиов перидот одржаа низа протести барајќи да се изгасне огнот на смртта во градот на Миладиновци, а лекарите ги потенцираа сите негативни последици по здравјето кои се потенцијална опасност за сите генерации кои живеат во Струга. Поради проблемот со дивата струшка депонија беше формирана и Граѓанската иницијатива „Доста“ која испраќаше апели и до централната и до локалната власт за изнаоѓање времено решение односно привремена локација за одлагање на сметот се до изградбата на регионални депонии.
Facebook Коментари