Хеликоптерска несреќа во Мериленд – едно лице загани, двајца се повредени

Едно лице загина, а две други се повредени – ова е епилогот од синоќешното уривање на воен хеликоптер кој вршел тренажен лет во државата Мериленд, соопштија американските Копнени сили.

Во несреќата загинал пилотот, а двајца членови на екипажот се здобиле со сериозни повреди.

Хеликоптерот „Блекхок“ се урнал на игралиште за голф во Ленардтаун, на 90 километри југоисточно од Вашингтон. Повредените веднаш биле пренесени во болница во Балтимор.

Екипа на Копнената војска денеска ќе ги истражува причините за несреќата.