Најдобриот македонски ракометар Кирил Лазаров трета година по ред ќе работи со идни потенцијални македонски репрезентативци. На овој начин Лазаров дава голема мотивација и стимул на идните македонски ракометари кои допрва треба да нижат успеси
За таа цел од 20 јуни до 2 јули во Охрид ќе се одржи третиот интернационален ракометен камп ,,Кирил Лазаров 7″.
Годинава на кампот ќе присуствуваат над 300 деца не само од Македонија туку и од целиот регион, но и европските земји, а за прв пат на кампот ќе има и деца од САД.
Учесниците ќе бидат поделени во две групи – првата од 20-26 јуни и втората до 26 јуни до 2 јули, а групите ќе се формираат врз основа на возраста (од 10 до 17 години.)
Годинава, на кампот ќе гостуваат и еминентни стручњаци кои работат во најголемите светски ракометни лиги. Меѓунив ќе бидат и нашите тренери Данило Брестовац кој работи во Франција, Наташа Коцевска која е тренер во германскиот бундес-лигаш Борусија Дортмунд, како и двајца еминентри тренери во работата со младите категории од Данска.
Извор: Strugaonline
Facebook Коментари