Струшки навивачи слават во Загреб, Македонија ја совлада Словенија

Во исклучително возбудлив натпревар, Македонија со победа го започна својот настап на ЕП во Хрватска. Словенија беше поразена со резултат 25:24 после големата борба на теренот.

Нашите ракометари лошо го стартуваа натпреварот, по 10 минути игра противникот водеше со 5:2 , Словенија беше во водство скоро до самиот финиш на првото полувреме, но нашата селекција успеа да ги следи во чекор Словенците, а на одмор отиде со израмнет резултат од 11:11. Ова посакувано израмнување го донесе Талевски кој постигна гол со звукот на сирената.

Во текот на целиот натпревар имаше голем број на исклучувања, посебно кај противникот, поради нивната груба игра.

Второто полувреме помина во знакот на боите на Македонија. Нашите ракометари направија серија од 3:0, а потоа 4:0 за водство од 15:11. Но, Словенија се врати во игра во периодот кога Македонија имаше тројца исклучени ракометари и успеа да намали на 16:15. Потоа следуваше период кога се играше гол за гол. За прв пат во вториот дел Словенија поведе во 51 минута. Во решавачките минути голови постигнаа Кирил и Филип Лазаров за водство од 25:24. Словенците не успеаа да постигнат гол до крајот на натпреварот и тоа беше и финалниот резултат. Најефикасни во нашата селекција беа Манасков и Лазаров.

Во Загребската арена имаше повеќе од 2.500 македонски навивачи, вклучувајќи ги страсни навивачи од Струга кои можете да ги видите на фотографиите.

Погледнете ја атмосверата на нашите навивачи….

Strugaonline