На свечена манифестација, денеска во Струга се одржа централното одбележување на 21-ви јуни, Денот на Охридското езеро. На свеченоста присуствуваа градоначалникот на општина Струга, Г-дин Рамис Мерко, градоначалникот на општина Поградец, Г-дин Едуарт Капри и секретарот на општина Охрид.
Во поздравниот говор, градоначалникот Мерко истакна дека Охридското езеро е вистински дар од природата, а Струга, Охрид и Поградец се прекрасни градови кои нудат одлични туристички услови. Мерко потенцираше дека Општина Струга постојано работи на подобрување на условите за развој на туризмот во нашиот град и дека со таа пракса ќе продолжи и во иднина.
Во рамките на одбележувањето на Денот на Охридското езеро имаше богата уметничка програма, настапија познати културно уметнички друштва од Струга, Мислешево и Велешта, а имаше и изложба на фотографии на кои беа прeтставени убавините на Охридското езеро.
Strugaonline
фото: Општина Струга
Facebook Коментари