Сениорките на ЖРК Стружанка славеа на домашен терен над ЖРК Куманово.
Натпреварот пред речиси полни трибини започна во полза на ЖРК Стружанка , нашите ракометарки поведоа со 5:1, но гостите направија пресврт и на крај на првиот дел имаа минимална предност од 7:8.
Вториот, исто како и првиот дел започна во корист на сениорките на ЖРК Стружанка кои по паузата влегоа доста мотивирано и не дозволија да се случат изненадувања на домашен терен пред домашната публика. За многу брзо време сениорките резултатски влегоа во ритам и резултатот беше веќе во позитива за ЖРК Стружанка.
ЖРК Стружанка својата предност умешно ја чуваше цело второ полувреме и не дозволи гостите да се израдуваат. На самиот крај се играше доста грубо каде што имаше и исклучувања и повеќе неспортски прекшоци. Крајот беше возбудлив со неизвесни моменти кога ракометарките од Куманово успеаа да израмнат (18:18,) но расположената голманка на ЖРК Стружанка, Митоска Марина, не го дозволи тоа, а во нападот по успешната одбрана се најде расположената Бојана Јованоска која во 58 и 59 минута ги постигна 19-от и 20-от погодок за ЖРК Стружанка за да Затуроска Ивана во последниот напад постигне погодок и да ги оддалечи гостите на -2 . Крајниот резултат беше 21:20 за ЖРК Стружанка.
Оваа е многу важна победа на ЖРК Стружанка каде што ќе се зацрвсти со 9 погодоци веднаш до Пелистер и ќе остане во борба со екипите од горниот дел на табелата.
Стрелци на натпреварот за ЖРК Стружанка беа:
- Бојана Јованоска 11 погодоци
- Ивана Затуроска 5 погодоци
- Магдалена Делиоска 4 погодоци
- Радмила Јовичанац 1 погодок
Извор: ЖРК Стружанка/Strugaonline
фото: ЖРК Стружанка
Facebook Коментари