Со натпреварот помеѓу РК Струга и РК Вардар 1961 кој заврши со резултат од 29:17 за гостите од Скопје, вчера во Струга стартуваше 51-то издание на Меѓународниот ракометен турнир ,,Струга 2023“.
Потоа следуваше свеченото отварање, а атмосферата од истото ви ја пренесуваме низ фотографии од објективот на Денис Дуковски.
Во вториот натпревар од првиот ден на турнирот, РК Алкалоид со резултат 27:23 го победи тимот на Димано Панчево од Србија.
За престижната титула-победник на овој турнир со долга традиција, годинава се борат три домашни и три странски екипи.
Во групата А се најдоа тимот на Алкалоиод, грчки – АЕК Атина и српскиот тим Динамо Панчево.
Во групата Б е двократниот европски шампион Вардар, домаќинот Струга и шведскиот тим Ескилстуна Гуиф.
Facebook Коментари