Во рамки на првото коло, екипата на ЖКК Струга 2009 не успеа да го совлада шампионот Баскет Кам и загуби со резултат 55:92 (17:21;13:25;13:27;12:19)
Најдобри во домашната екипа беа: Американката Ајана Мазик со 23 поени ,10 скокови и 6 асистенции, Модева забележа 12 поени, 17 скокови и 3 блокади. Муртезаи постигна 8 поени,3 асистенции. Зендели 7поени и 8 скокови, Крацоска 3 поени и Алексиеска 2 поени. Кај гостите најдобра беше Димова со 23 поени.
,,Поради заминување на факултет на голем дел од кошаркарките, приморани сме да фрламе во оган нови ,млади играчи. Оваа сезона е уште потешко поради завршувањето на кариера на нашиот капитен Стојановска и повредата на Шеќероска . Мораме да го прифатиме тоа и со силите што ги имаме работиме уште посилно како би ги остварили зацртаните цели. Во овој натпревар против шампионот бевме добри и рамноправни 18мин, тоа е задоволително, голем дел од младите кошаркарки ваква улога немаа ниту во кадетска екипа но сега добиват шанса па ќе видиме како ќе биде иднината.“ -изјави за Strugaonline тренерот Владимир Ѓоровиќ.
Додаде дека, Мазик, засилувањето од САД ,изигра добро и се гледа дека ќе биде доста важен играч за стружанки оваа сезона. Таа е тука една недела и треба време да се запознае и уигра со остатокот од екипата.
Ѓоровиќ упати честитки до Баскет Кам и појасни дека отсега следува уште појако работење и барање шанса во наредните натпревари.
Следен предизвик за ЖКК Струга 2009 е следниот викенд против Пробаскет на домашен терен.
Strugaonline
Facebook Коментари