Неколку илјади посетители синоќа во Струга имаа незаборавна забава во рамките на 9-то издание на Green Beach Festival, со настапот на фантастичната Nina Kraviz. За загревање на атмосферата најпрво беа задолжени Ana Malo и Dejan Dex, по што следуваше настапот на дамата која се смета за најхаризматичен лик на електронската сцена во светски рамки, Nina Kraviz.
Сибирската техно дива е позната по бескомпромисните и енергични диџеј-сетови со музика која многумина не би се осудиле да ја „вртат“, а во изминатата година имаше и завршни сетови на одбрани фестивали за кои потоа зборуваше цела планета.
Опишана е како сестран ди-џеј со умешност да ја восхити публиката, синоќа во Струга го направи токму тоа. Nina Kraviz приреди ноќ за паметење која дефинитивно ќе го одбележи ова лето 2018-то во Струга
Strugaonline
фото: Green Beach Festival
Facebook Коментари