Вечерва, со почеток во 20:00 часот ќе започне најновото издание на фестивалот „Охрид Фест – Охридски трубадури“. Фестивал кој за љубителите на музиката веќе 24 години ја негува својата традиција. Публиката ќе има можност да слушне над 60 нови поп и фолк рефрени и да ја проследи интернационалната вечер. Првата фестивалска вечер е посветена на фолк музиката. Во трката за трите награди од публиката и трите од жирито, наградите за најдобар сценски настап,аранжман, текст и интрепретација ќе учествуваат песните кои ќе ги изведат Благица Павловска, Ленче и Горан Кукиќ, Нино Величковски, групите „Соната“, „Скопски боеми“ и други. По завршувањето на официјалниот дел ,додека се пребројуваат гласовите на публиката и жирито, своја шоу програма ќе има групата „Биоритам“.
Што се однесува до поп вечерта, публиката ќе има можност да слушне околу 20 нови композиции изведени од : Влатко Илиевски, Лена, „Камелеон“, Пепа, Ѓоко Ѓорчев, Моротов бенд, Денис Димовски, како и финалистките на првото талент шоу OhridSUPERSTAR, Андреа Јованоска и Емилија Петровска.
Интернационалната вечер посебна ќе ја направат настапите на Кристијан Рахимовски-Кики, синот на познатиот Аки Рахимовски, водачот на „Парни валјак“. Потоа атрактивен ќе биде дуетот на Маја Оџаклиевска со познатиот руски пејач Иван Ацулов. Тука ќе бидат и словенечката претставничка на „Евровизија“, Нуша Деренда, потоа Валентино, Маја Николиќ и други.
Во ревијалниот дел ќе настапи познатиот Владо Калембер.
Фестивалот „Охрид фест- Охридски трубадури“ ќе биде пренесуван преку австралиската сателитска телевизија INTV. Истo така тв пренсот од фестивалот ќе им биде достапен и на гледачите од балканските земји преку телевизиите од Србија -. TV Kopernikus, i TV Belami, од Бугарија -Tv Balkanika ,од Босна и Херцеговина -Hayat tv ,од Хрватска -Z1 TV , Словенија – Net TV, Црна Гора -TV Montena, и од Албанија – Vision plus. За првпат, фестивалот ќе може да се следи на Facebook live и You tube.
На фестивалот „Охрид фест – Охридски трубадури“ годиниве наназад се изведени хитови кои и ден денеска претставуваат евергрини и рефрени кои сеуште ги знаеме и слушаме.
Извор: ОхридПрес
Strugaonline
Facebook Коментари