Ракометарите на Струга лесно стигнаа до нова победа во Првата лига, совладувајќи го Рудар на гости во Пробиштип со убедливо висока разлика од 26:38.Првиот погодок на натпреварот го постигна Ампов и домаќините поведоа со 1:0 за потоа Стружани целосно да ја преземат контролата.
Струга направи серија од 6 голови, за водство 1:6, па се беше полесно. До паузата избраниците на Наум Танески стигнаа до плус 9, 13:22. Вториот дел се играше само формално, до конечните 12 голови разлика, кои беа и највисоки во текот на мечот, 26:38.
Најдобар поединец во гостинскиот тим беше Томе Нацев со 10 голови, а 6 даде Петар Поповски, додека кај домашниот тим се истакна Денис Ампов, чии 14 голови беа премалку за Рудар да се избори за позитивен резултат на овој натпревар.
Извор:24rakomet
Фото: архива
Strugaonline
Facebook Коментари