Агенцијата за промоција и поддршка на туризмот (АППТ) продолжува со активна промоција на туристичкиот потенцијал на Р.С. Македонија преку ФАМ тури на еден од најголемите пазари во државава – Турција. АППТ во соработка со Turkish Airlines и македонскиот тур-оператор Bademtour ја носат на четири дневна посета на земјава најпознатата новинарка во Турција – Озлем Тунџа.
Озлем Тунџа пристигнува со семејството во текот на денешниот ден и ќе помине четири дена низ земјава со цел да сними 40 минутна репортажа за најпопуларната емисија за туризам во Турција – Dünyayı Geziyorum, која се емитува на турската национална телевизија Канал 7.
Новинарката Тунџа во овој период ќе ги посети Тетово, Ресен, Битола, Охрид, Струга, Вевчани, Дебар, Маврово и Скопје и ќе го сподели искуството за семејно патување низ земјава.
Извор: АППТ
Facebook Коментари