Еден од најголемите продуценти на сите времиња, Nile Rodgers (Најл Роџерс) ќе настапи во придружба на својата легендарна група Chic (Шик) на спектакуларното отворање на овогодишното јубилејно, петто издание на Sea Dance (Си Денс) фестивалот на плажата Буљарица во Будва, во четврток 30-ти август! Легендарниот композитор и музичар кој значително влијаеше врз тековите на развојот на популарната музика, заслужен е за некои од безвременските хитови и албуми на светските ѕвезди како што се David Bowie, Madonna, Duran Duran, Daft Punk, Eric Clapton, Robert Plant, George Michael, Bryan Ferry, B-52s, INXS и многу други. За соработка со него се бореа и гиганти како што се Mick Jager и Michael Jackson, а диско ерата не би била иста без капиталните подиумски химни на неговата група Chic, но и хитовите за Sister Sledge и Diana Ross, додека неговата славна песна „Good Times“ се смета и за еден од изворите на хип-хоп музиката. Кога ќе се соберат, сите песни кои тој ги сработил надминуваат 500 милиони продадени албуми и повеќе од 75 милиони синглови. Rodgers ја докажува својата современост и фактот дека тој е најголемиот визионер на танцовата музика било кога, со тоа што тој стои и зад суперпопуларната нумера „Get Lucky“, веројатно и најголемиот летен хит на оваа деценија! На листата со негови помлади соработници се запишаа и Lady Gaga, David Guetta, Avicii, Pharrell Williams, Kylie Minogue, Pitbull, Sigala, Disclosure и Sam Smith, додека со Chic ќе го објави и новиот албум „It’s About Time“ во септември оваа година, а чии песни премиерно ќе ги чуе публиката на Sea Dance фестивалот!
Дека настапот покрај тиркизниот Јадран ќе биде вистински спектакл, најдобро говори податокот дека „Би-би-си“ ги прогласи Роџерс и Шик за една од најдобрите концертни изведби во 2017-та, додека минатата година и фестивалските гиганти Glastonbury и Coachella го вброија овој фуриозен состав меѓу своите најуспешни настапи по оценка на медиумите и публиката. Сѐ уште се прераскажува и спектакуларното отворање на Егзит од 2013-та кога на преполната главна бина хорски се пееја хитовите „Let’s Dance“, „Get Lucky“, „Le Freak“, „We Are Family“, „Notorious“, „Lost in Music“, „Like a Virgin“, „Upside Down“ и бројни други чии мелодии буквално секој ги има чуено, дури и без да знае дека сите нив ги поврзува едно име – Nile Rodgers! Токму поради тоа овој музички гениј го има своето место и во Rock and Roll куќата на славните, но и Dance куќата на славните, Grammy куќата на славните, а тој претседава и со Куќата на славните музички автори.
Директно од врвовите на светските топ листи и по неодамнешниот хедлајнерски настап на главната бина на фестивалот Tomorrowland, во четврток на 30-ти август, на Sea Dance пристигнува и белгиската суперѕвезда Lost Frequencies! Популарниот музичар на Sea Dance се враќа по распродадените турнеи со светските ѕвезди The Chainsmokers, како и новиот албум на кој се наоѓа хит-синглот со James Blunt, и нумерите „Crazy“, „Beautiful Life“ благодарение на кои повторно ги зазема топ позициите на светските музички листи со стотици милони „ЈуТјуб“ прегледувања. Во листата на изведувачи за овогодишниот фестивал ќе се придружи и Burak Yeter, кој на јубилејното издание на Sea Dance фестивалот пристигнува по фантастичниот настап на Exit пред повеќе од 25 илјади фанови! Овој холандски диџеј со турско потекло е една од најголемите сензации на клупската сцена во изминативе неколку години, за што сведочи и апсолутниот хит-сингл „Tuesday“ кој се вртеше во клубовите ширум светот со околу 400 милиони „ЈуТјуб“ прегледувања! Честа да се врати и на петтото издание на Фестивалот му припадна на повеќекратно платинестиот продуценстки тандем Filatov и Karas. По вртоглавиот успех на интернационалниот хит „Don’t Be So Shy“ кој освои платинест тираж, а воедно се најде и на листата на најбараните синглови на музичката платформа „Шазам“, дуото од Москва стигнува на тиркизната Буљарица со новите хитови меѓу кои е и одличната летна хит нумера „Time Won’t Wait“ која во претходните години ги покори речиси сите топ листи на светските радио станици. Во плејадата одлични светски имиња ќе се придружи и водечкиот состав на првата балканска хип-хоп издавачка куќа Bassivity, со мисијата да претстават некои од новите ѕвезди на регионалната рап сцена. Со тоа, покрај ултра популарните имиња како што се VIP и Coby, на главната бина ќе покажат што умеат Arafat, Surreal, Fox, Kukus Klan, Arafat, Mili и Sara Jo.
Своите настапи на петтото јубилејно издание на Sea Dance фестивал, кој ќе биде одржан од четврток, 30-ти август до сабота, 1-ви септември на плажата Буљарица во Будва, ги потврдија: Dimitri Vegas & Like Mike, Paul Kalkbrenner, Nile Rodgers & Chic, Nina Kraviz, Alice Merton, Dax J, Lost Frequencies, Burak Yeter, Antigone, Francois X, Shlømo, Eagles & Butterflies, Filatov&Karas, Sofia Rodina, Marko Nastić, PTU Live, Hladno pivo, Van Gogh, Marko Louis, Sajsi MC , Krešo Bengalka, Vojko V, Who See, Bassivity Showcase, Lag, Vakat AKA Aleksandar Grum, Forest People, Gillerz & Be Good, Ilija Đoković, Sugar Lobby, Monosaccharide, Bodzie, Popi Divine, Mr. Lekka, Branko Vuković, Buba, Vegim & Flekitza, Ana RS, TZ Project, ČX, Sabinaa, Jan De R и многу други.
Тридневните влезници за Sea Dance по цена од само 1.650 денари достапни се преку МкТикетс и на сајтот seadancefestival.me само до 22-ри август, по што цената ќе биде повисока, а преку официјалната туристичка агенција на EXIT фестивал – EXIT Trip, во понуда се и пакетите кои опфаќаат влезници за фестивалот и сместување.
Strugaonline
Facebook Коментари