Во среда (19 јули), во култниот клуб Џез Ин во Охрид концерт ќе одржи познатиот „Васил Хаџиманов бенд“.
Во Охрид Васил Хаџиманов доаѓа со својот квинтет составен од: Мирослав Товариќ, Бојан Ивковиќ, Предраг Милутиновиќ и Бранко Тријиќ.
Концертот е закажан за 22:00 часот, а билетите кои се во ограничен број можат да се купат по цена од 500 денари, во Музичката продавница Зи Зи Топ.
„Васил Хаџиманов бенд“ зад себе имаат шест албуми. Моментално, бендот го промовира шестиот албум насловен како “Alive”, кој е нивен прв албум снимен во живо во пет различни градови, во пет концертни дворани. Специјален гостин е Светски познатиот саксофонист Davin Binney, а албумот е издаден за Американската издавачка куќа “MoonJune Records” од Њујорк.
Идејата на Васил Хаџиманов за комбинирање на традиционалните балкански фолк ритми и западните, модерни стилови (jazz, funk, rock, world music) во неговата музика е во потполност автентична и претставува нов пристап во џез музиката.
Facebook Коментари